ISLAMIC RESEARCH ORGANISATION.: 03/25/12

Sunday, 25 March 2012

YA ALLAH !! KAHNA SHAITAAN KA WASWASA (ASHTGHFIRULLAH)

Prophet (sallallahu 'alaihi wa sallam) said : The best of people is my generation, then those who come after them, then those who come after them [Bukhari and Muslim]

A strange story where a Man wants to cross a river but he doesn't have the means to cross it . He meets Junaid Bagdadi who also wants to cross the river. He asks Hazrat how to cross the river he tells him to chant "Ya Junaid" .. read the full story below . Were you will find chanting "Ya ALLAH " is a shaatani Waswasa.. la howla wa kuwata illa billa

Neecha Scan kiye gayee pages saare Ahmad Raza Khan ke Kitab Malfuzaat e Ala Hazrat se liyee gayee hai :

QURAAN SE ZYADA FAZAIL E AMAL NE ISLAM PHAILAAYA (ASTAGHFIRULLAH)

"Yaha khazrar mei ek Jamat aaye hue thea aur ameer jamat ne Imam Sahab Abdullah Khudoos se poocha ke is masjid mei Fazail Amal shareef nazar nahi aata ? Mei ne jawab me kaha vo Quran kareem ke neeche rakhee huee hai. Tu uss ne jaldi se jakar usse Quran kareem ke neeche se nikaal kar quran kareem ke uper rakh diaa aur kahne lagee ke usse yani Fazaail amaal ko quran ke uper rakh diaa karee . meine poocha kyou? Tu kahne lage ke iss kitab ne Islam ko duniya mei jitna phailaya hai vo quran ne kaha phailaya hai ? Mujhe uske jawab mei bhut hairangi huee
ke yeh jamat islahi jamat hai yah kuch aur."

Comments: Yeh inke Munafiqat hai , kyou ke yeh kahte hai ke poori duniya mei iss kitaab se islam ko phailayaa hai magar jaab Tableegi Jamat Tour par jaati hai European countries yah Arab Countries mei tho yeh Fazaail Amaal ke Jagha Riyad us Saliheen padte hai . Agar yeh itni hi acchi book hoti tho Bahar ke tour mei bhi isse book ko padhna chaye tha.
Aur hairat ke baat yeh ke ALLAH ke Qalam ne tho vo kalam nahi dikhaya Nuzubillahe jo yeh iss Kitab ne dikhaya , jiske likhne wale Mulana Zakariya Dimagi mareez thea.

ANGREZ KE WAFAADAAR

Jaab Rasheed Ahmed Gangaohi ke giraftari ka Koshish huee , tho Gangohi Sahab ke Farmaya .
"Mei Jabb haqeeqat mei Sarkar kar Farma bardaar hoon,tho jhoote ilzaam se mera baal bhi baaka nahi ho sakta , aur
agar maara bhi gaya tho sarkaar malik hai usse ikhteyaar hai jo chayee vo kharee..."

SHABAAN KI 15wi RAAT--KYA SAHIH AUR KYA GHALAT???

Bismillahirrahmanirraheem

SHABAAN KI 15wi RAAT--KYA SAHIH AUR KYA GHALAT???

Allah taala ne jinn wa insaan ko sirf apni ibadat ke liye paida kiya hai, insaan ki khalqat ka asal maqsad yahi hai ke wah apni chhoti si zindagi ka har lamha allah taala ki ibaadat me guzaare, qaamyaab bhi wahi insaan hai jo ibadat hi ko apni zindagi ka asal maqsad tasawwur kare, warna wah insaan jo allah ki ibadat se ghaafil rahe aur duniya ki hai chamak damak apne aur apne baal bachhon ke liye muhayya karne ko hi apni zindagi ka maqsad banaate to wah bilkul bhi aakhirat wa duniya me qaamyaab nahi ho sakta...

Is waqt ek to musalmanon ki aksariat allah taala ki ibaadat se ghaafil hai aur us par sitam ye ke kuch logon ne inke dilon me ye baat acchi tarah bitha rakhi hai ke saal me do teen baar SHABB E DAARI kar li jaaye aur do chaar roze rakh liye jaayen to sirf yahi ibadat insaan ke liye NEJAAT aur uski duniyawi wa Aakharwi zindagi ki falaah ke liye kaafi hai, halaanke haqiqat ye hai ke rasoollullah sallallaho alaihi wasallam (pbuh) ne kisi ek raat ko ibadat ke liye khaas karne se mana farmaya hai

rasoollullah sallallaho alaihi wasallam (pbuh) ka irshaad hai:-" juma ki raat ko ibadat ke liye aur juma ke din ko roze ke liye khaas na karo"

to agar kisi ek raat ko ibadat ke liye khaas karna durust hota to aap rasoollullah sallallaho alaihi wasallam (pbuh) juma ki raat ko uske liye khaas karne ki ijaazat de dete,

rasoollullah sallallaho alaihi wasallam (pbuh) ka isse mana karna is baat ki waazeh daleel hai ke saal bhar me kisi ek ya do raaton me ibadat karna aur baaqi poore saal me allah ki ibaadat se ghaafil rahna durust nahi hai,

khud rasoollullah sallallaho alaihi wasallam (pbuh) ki aadat mubarakah bhi yahi thi ke aap rasoollullah sallallaho alaihi wasallam (pbuh) saal bhar ki raaton me ibaadat karte they.. Balke aapki zindagi ka ek ek lamha allah hi ki ibaadat me guzarta tha, aur zindagi guzaarne ka sabse bahareen tareeqa bhirasoollullah sallallaho alaihi wasallam (pbuh) tareeqa hai,

lihaaza hamesha is baat ki koshish karni chahiye ke zindagi ka har lamha allah ki ibaadat ban jaaye aur ye us waqt ho sakta hai jab ham har qadam allah taala ke hudood ke mutaabik karen aur har kaam uski raza ke liye karen...

MAAH-E-SHABAAN:

Jin do chaar raaton ki fazilat khaas taur se bayaan ki jaati hai aur usme sahih aur ghalat ki tameez nahi ki jaati unme se ek shabaan ki 15wi raat bhi hai, jise aap taur par SHAB-E-RAAT kaha jaata hai,

ye sahih hai ke ye raat jis mahine me aati hai usme rasoollullah sallallaho alaihi wasallam (pbuh) ramzaan ko chhodkar baqi sab mahino ki ba'nisbat sabse zyada roze rakhte they,

aur rasoollullah sallallaho alaihi wasallam (pbuh) ye farmaya karte they ke:-" is maheene me nek aamaal Upper uthaaye jaate hain aur mujhe ye baat pasand hai ke mere aamaal roze ki haalat me uper uthaaye jaayen"

jo hurmat waale mahine kahlaate hain aur jin me jung wa jadal aur khoon karna haraam ho jaata hai, tamaam mufassireen wa muhaddiseen wa ulema ka intefaaq hai ke ye 4 mahine, dhul qadah, dhul hijjah, muharram aur rajab ke mahine hain, shaaban ko kisi mufassir ne in 4 mahino me shumaar nahi kiya,

is poore mahine me rasoollullah sallallaho alaihi wasallam (pbuh) ne jis ibaadat ka khaas taur par ahtemaam kiya wah roza hai, aur iska ehtemaam poore mahine me kiya, kisi ek din ke saath usko khaas nahi kiya, aur na hi is mahine ke kisi ek din ke roze ki koi fazilat bayaan ki...

SHHAB-E-RAAT

jahan tak shabaan ki 15wi raat ka taalluq hai to uske baare me rasoollullah sallallaho alaihi wasallam (pbuh) ka ye irshaad sahih sanad ke saath riwayat kiya gaya hai ke:-" allah taala shabaan ki 15wi raat ko Apni poori makhlooq ki taraf (ba'nazar e rahmat) dekhta hai, phir mushrik aur qeena karne waalon ke siwa baaqi saari makhlooq ki bakhshih kar deta hai"

(tabrani,ibn habban, baiheqi)

yahi wah hadith hai jo shabaan 15wi raat ki fazilat me sahih sanad ke saath riwayat ki gayi hai, uske elawa jitni hadith aam taur par bayaan ki jaati hain, aur jinhe akhbaraat aur mahfilon ki zeenat banaaya jaata hai wah sab ki sab sanadan intehaai kamzor balke man gadant hain,

aur rasoollullah sallallaho alaihi wasallam (pbuh) ki shariat aisi khuraafaat se paak hai, lihaaza ulema su ke liye zaroori hai ke wah aisi riwayaat ko bayaan karne aur unki nashr wa ishaat se parhez karen jo sanad ke eitbaar se saabit na hon,

yaqeeni taur par ye hadith e nabwi ki bahut badi khidmat hogi, agar wah kisi hadith ko bayan karne se pahle iski sanad ke muttaalik tahqeeq kar len, warna rasoollullah sallallaho alaihi wasallam (pbuh) ka ye irshaad hamesha yaad Rakhna chahiye ke:-" jisne jaan bhoojh kar meri taraf aisi baat mansoob ki jo maine nahi kahi, use apna thikaana jahannum me bana lena chahiye"

shhab e raat ki nisbat se jo kamzor aur mangadant hadithen aam taur par bayaan ki jaati hain unme se chand ek ye hain:

1- shabaan mera mahina hai aur ramzan allah ka

2- shaban ki 15wi raat ko allah taala itne logon ko jahannum se aazaad karta hai, jitne nabuqalab ki bakriyon ke baal hain

3- is raat ko 14 rakat ada karne se 20 maqbool hajjon aur 20 saal ke maqbool rozon ka sawaab milta hai..

4- is raat me 100 rakat nafil namaz padhi jaayen aur har rakat me surah ikhlaas 10 baar padhi jaaye aur padhne waale ke ek saal ke gunaah nahi likhe jaate..

5- hasan basri ka ye qaul ke unhone 30 sahaba kiram se ye suna ke aap rasoollullah sallallaho alaihi wasallam (pbuh) ne farmaya ke:-" jo shakhs is raat ko namaz padhe ,allah taala uski taraf 70 nazaren farmate hain.

Aur har nazar ke saath 70 haajatein poori farmate hain...

Ye aur is qism ki deegar hadith bila'ittefaaq zaeff aur mangadant hain, aimma kiram maslan imam shaukani, ibn jawzi, ibne habban, qurtubi, imam suyuti, wagerah ne in riwayaton ko naaqaabil aitbaar qaraar diya hai,

lihaaza in ko bayan karne se parhez karna chahiye

tafseelaat ke liye fawaid al majmuah, maujuaat al kabra, tafseer al kurtubi, wagerah dekhi ja sakti hain

SHHAB-E-RAAT KO KYA KARNA CHAHIYE??

Ab sawaal ye hai ke jo hadith shabaan ki 15wi raat ki fazliyat me sahih sanad ke saath aayi hai, kya usme kisi mahfil me jamaane ka zikr hai ya kisi khaas ibaadat ka ya charaaga aur aatish baazi karne ka zikr us hadith me kiya gaya hai ??

Is ka durust jawab har wah shakhs de sakta hai jo khuraafaat aur mangadant riwaayat par yaqeen karne ke bajaaye rasoollullah sallallaho alaihi wasallam (pbuh) ki saaf suthri shariat par imaan rakhta ho...

Chunke is hadith ka agar ghaur se mutaala kiya jaaye to waajeh taur par ye baat malum hoti hai ke rasoollullah sallallaho alaihi wasallam (pbuh) ne is me kisi MAHFIL ka zikr nahi kiya hai, na kisi khaas ibaadat ka, aur na CHARAAGA ki baat kahi gayi hai, na AATISH BAZI ki,

balke jis cheez ka zikr kiya gaya hai wah hai "allah taala ki aam maghfirat" jin ka mustahiq rasoollullah sallallaho alaihi wasallam (pbuh) ne har shakhs ko qaraar diya hai, jiske aqeede me shirk ki milaawat na ho, aur uske dil me kis musalmaan ke mutaallik zaati wa dushmani ke bina par bhugz wa qeena na ho"

toh us raat ko hone waali aam bakhsish ka mustahiq banne ke liye aise zaroorat is baat ki hai k insaan apna aqeeda durust kare,

nafa wa nuksaanaat ka maalik sirf allah taala ko samjhe,

mushkil kusha bhi sirf allah ko tasawwur kare,phir bharosa allah par kare,

apni tamaam ummeedon ka markaz darbaaron ki bajaaye sirf allah ko Banaaye,

khauff peeron, buzurgon ke bajaaye sirf allah se hi ho,

nazar wa niyaaz allah ke liye maane,

aur allah ko chhodkar kisi dusre ko madad ke liye mat pukaare......

Aur iske saath saath musalmano ke mutaallik apna dil saaf rakhe, aur kisi se hasad, bhugz wa keena na rakhe ,

ye wah cheezen hain jo insaan ki nijaat ke liye intehaai zaroori hai,

rahi baat charaaghan aur aatish baazi ki, ye mahaz fuzool kharchi hai, jisse hamare deen me mana kiya gaya hai, is liye usse parhez karna har musalman par laazim hai....

KYA SHABAAN KI 15wi RAAT FAISLON KI RAAT HAI ???

Allah taala ka irshaad hai :

" yaqinan ham ne ise ba'barkat raat me utaara hai, beshaq ham daraane waale hain, is raat me har mazboot kaam ka faisla kiya jata hai"

(surah dhukhan 3-4)

allah taala ke is farmaan me "ba'barkat raat" ka zikr aaya hai, jis me quraan majeed ko utaara gaya, aur jisme saal bhar me hone waale waqeyaat ka Faisla kiya jaata hai,

is raat se kaun si raat muraad hai ??

Khud quraan majeed me iska jawab maujood hai,

allah ne farmaya:

" beshaq hamne ise lailatul qadr me utaara"

(surah al qadr)

toh " ba'barkat" raat se muraad lailatul qadr hai jo ramzaanul mubarak ke aakhiri ashrah ki taaq(odd) raaton me aati hai, aur isi me insaan ki zindagi aur maut, rizq, aur tamaam haadsaat, ka faisla kar diya jaata hai,

"ba'barkat raat " ki yahi tafseer hazrat abdullah ibn abbas ra, hz qatadah rh, hz hasan ra wagerah ne ki hai aur isi tafseer ko jamhoor mufassireen ne durust qaraar diya hai....

ALLAH HAMEN BAD AQEEDGI SE MAHFOOZ RAKHE...... Ameen

NIJAAT(KAAMYABI) KAHAN HAI ???

Bismillahirrahmanirraheem

NIJAAT(KAAMYABI) KAHAN HAI ???

Aaj ummat e musliama mukhtalif firqon aur toliyon me bat gayi hai, har firqah aur har giroh ka ye dawa hai ke hidayat wa nijaat hamare giroh me hai, aur har dusre firqah aur group ke logon ko gumrah bad'aqeeda hain, jaisa ke yahud(jews) aur nasaara(christian) ek dusre ko kaha karte they

allah ka irshaad hai:

" yahudi kahte hain isaaiyon ka deen kuch nahi hai, isaayi kahte hain, yahudion ke paas kya dhara hai, halaanke allah ki kitaab dono padhte hain, theek aisi hi baat un logon ne bhi kahi jo ilm nahi rakhte they, qayamat ke din allah unke darmiyaan haakim hoga aur jis baat me jhagad rahe hain uska faisla kar de ga"

(tarjuman al quran, surah baqarah 113)

yahudi tauraat padhte they jisme hz moosa as ki zabaan se hz isa as ki tasdeeq maujood hai, lekin iske bawajood yahudi hz isa as ki takfeer karte they... Isaayi injeel padhte they jisme Hz moosa as aur tauraat ke allah ki kitab hone ki tasdeeq hai, iske bawajood ye yahudion ki takfeer karte they..

Jis tarah yahud wa nasaara aur mushkireen e arab apne tareeqe hi ko sacchaayi wa nijaat ka tareeqa samjhte they, isi tarah islam ke naam par jitni giroh bandiyan hain, har giroh ka musalmaan apne hi tareeqe ko saccha aur nijaat waala giroh samjhta hai,

aur dusre firqe ke musalmano ko gumrah, bad'aqeedah aur gustaakh wa jahannumi samjhta hai,

halaanke shariat islamiya sirf wahi e ilaahi yani quran wa hadith hai,

zamana nuzool e wahi se lekar quroon salasa ke daur tak khaalis kitab wa sunnat ki pairwi hoti thi,

quran wa hadith ke muqaable me kisi aur cheez ko shariat nahi jaana jaata tha, quroon salasa ke baad taqleed ki buniyaad rakhi gayi aur firqah bandi ki haden khheenchi gayi,

aur quraan wa hadith ke saath ghairon ke fatawe bhi jode jaane lage, yahan tak ke isi jod tod se aimma ke Aqwaal ko usool maan kar in par tafriyaat aur takhreejaat shuru ho gayi...

Nijaat ka daaromadaar khuda parasti aur nek amal par hai, naa ke giroh bandi aur firqa parasti par..

Allah taala ka irshaad hai:

" aur yahudi kahte hain jannat me koi aadmi daakhil nahi ho sakta jabtak wah yahudi na ho, isi tarah isaayi kahte hain jannat me koi daakhil nahi ho sakta jabtak isaayi na ho ( yani inme se har giroh samjhta hai aakhirat ki nejaat sirf usi ke hisse me aayi hai, aur jab tak ek insaan uski mazhabi giroh bandi me daakhil na ho nejaat nahi paa sakta,) aiy paighambar, ye unki jaahilaana umangee aur aarzuen hain, na ke haqiqat haal ,tum inse kaho agar tum apne daawe me sacche ho to saabit karo tumhaare daawe ki kya daleel hai? (Haan ! Bila shubah nijaat ki raah khuli hui hai, magar wah kisi khaas giroh bandi ki raah nahi ho sakti wah to imaan wa amal ki raah hai), jisne bhi allah ki raah me sar jhuka diya Aur wah nek amal bhi ho to wah apne parwardigaar se apna ajar zaroor paayega"

(tarjuman ul quran, surah baqarah 111,112)

ahle mazahib ki sabse badi gumrahi ye hai ke unhone deen ki sacchaayi jo ek hi thi aur yaksa taur par sab ko di gayi thi, mazhabi giroh bandiyon ke alag alag halqe bana kar zaaya kar di, ab har giroh dusre giroh ko jhutlaata hai aur sirf apne hi ko sacchayi ka raast samjhta hai,

ab sawaal ye uthta hai ke ek giroh hi saccha hai, to kyon wahi saccha hai, dusre saccha na ho ??

Agar sab sacche hai to phir koi bhi saccha nahi, kyonki har giroh dusre ko jhutlaata raha hai, agar sab jhoote hain to phir khudayi sacchaayi kahan gayi ??

Quran kahta hai ke sacchai(hidayat) sabke liye hai aur sab ko mili thi, lekin sabne sachaayi se inraaf kiya, sab asal ke aitbaar se sacche hai aur sab amal ke aitbaar se jhoote hain... Main chaahta hu isi sacchaayi par sab ko jama karun aur mazhabi tanaaza Ka khaatma ho jaaye..

Ye aalamgeer sacchayi kya hai ??

Khuda parasti aur nek amli ka qaanoon hai, yahi qanoon khuda ka thahraaya huwa deen hai, isi ko main islam ke naam se pukaarta hun

(tarjuman ul quraan)

aaj har giroh ka musalman kahta hai ke jab tak insaan hamari giroh me na daakhil ho, nijaat nahi pa sakta..

Lekin quraan kahta hai ke nijaat ka daromadaar khudaparasti aur nek amli par hai, na kisi khaas giroh par, jo khuda parast aur nek amli amli hoga, nejaat paayega khwaah tumhari jhooti giroh bandi me daakhil ho ya na ho...

(tarjuman ul quraan jild 2)

nijaat ka daromadar allah aur uske rasool ki itaat me hai

allah ka irshad hai

" jo koi allah aur uske rasool(sws) ki itaat karega, allah use un jannaton me daakhil karega jinke neeche nahren bah rahi hongi, aur jo muh pherega use dardnaak azaab dega"

( surah fath 17)

aur farmaya

" jo koi allah aur uske rasool ki ittat karega to allah Use badi rahaton ke aise baghon me dakhil karega, jinke neeche naharen bah rahin hongi, wah usi haalat me hamesha rahenge aur ye badi hi kaamyabi hai jo unhe haasil hogi, lekin kisi ne allah aur uske rasool ki nafarmani ki aur uske thahraayi hui hadhbandiyon se baahir nikal gaya toh (yaad rahe) wah jannat ki rahaton ki jagah aag ke azaab me daala jaayega, aur wah hamesha usi halat me rahega aur uske liye ruswa karne waala azaab hoga"

(surah nisa 13,14)

in aayaton se ye baat acchi tarah wazeh ho gayi ke jo shakhs allah aur uske rasool ki itaat karega (ahkaam par amal karega aur haraam kamon se door rahega) toh allah taala use jannat me daakhil karega aur jo allah aur uske rasool ki itaat se muh fer lega toh allah taala use jahannum me daakhil karega.. Chahe wo kisi bhi giroh ka ho,

nijaat ka daaromadar aur jannat ka hasool giroh bandi par nahi hai, balke allah aur uske rasool ke ahkaam ki pairwi par Hai,

aap sallallaho alaihi wasallam (pbuh) ne jannat ka hasool apni ittat wa pairwi me bataaya hai,

aap sallallaho alaihi wasallam (pbuh) farmate hain:-" meri ittaat karne waala jannat me jayega aur na'farmaan jahannum me jis giroh se bhi uska taalluq ho"

( rawaah bukhari)

ek dusri hadith me aap sallallaho alaihi wasallam (pbuh) ne farmaya:-" bani israel 72 firqon me takseem ho gaye they, meri ummat 73 firqon me bat jaayegi, saare ke saare firqe jahannum me jaayenge, magar ek firqa jahannum me nahi jaayega, aur jahannum me na jaane waala giroh unlogon ka hoga jo mere aur sahaba ke taur tareeqon par amal karega"

(tirmizi)

is hadith se malum huwa ke nijaat paane waala firqa sirf aur sirf wahi hai jiska aiteqaad wa amal nabi(sws) ke tareeqe par hoga

kitab wa sunnat se hat kar paiwi aur peer, murshid, mujaawar,imamon, buzurgon ki pairwi karne waale qayamat ke din afsos karenge

unke baare me Allah ka irshaad hai:

" is din unke chahre aag me ulat palat kar diye jaayenge (afsos se) kahenge ke kaash ham allah taala aur uske rasool ki itaat karte aur kahenge hamare rabb ham ne apne sardaaron aur apne badon ki maani jinhone hamen raah e raast se phatkaar diya"

( surah ahzaab 66, 67)

yani ham ne tere paigambar ke bajaaye apne badon, aur buzurgon, peeron ki pairwi ki lekin aaj hamen malum huwa ke unhone hamen tere paigambaron se door rakh kar raah e raast se bhatkaaye rakha...

Awliya parasti aur taqleed ka riwaaj bhi logon ki gumrahi ka zariya hai,

kaash musalman aayat e ilaahi par ghaur karke gumrahi se niklen aur quran wa hadith ki siraat e mustaqeem ko akhtiyaar kar len ,ke nijaat sirf aur sirf allah aur uske rasool ki pairwi me hai, na ke mashaikh, peer, wa akaabir ki taqleed me, ya awliya aur qabrparasti me,

ahad nabawi aur quroon salasa, (jinko khair ul quroon ka gaya hai) me shariat Ka markaz sirf kitab aur sunnat e rasool sallallaho alaihi wasallam (pbuh) par tha,

baad ke liye bhi aap sallallaho alaihi wasallam (pbuh) iski taeed farmayi

" main tumhare darmiyaan do cheezen chhod jaata hun, jab tak tum inko mazboot pakde rakhoge hargiz gumraah na hoge, allah ke kitab(quran majeed) aur meri sunnat(hadith)"

(moatta imam malik)

wasiyat nabawi se malum huwa ke kitab wa sunnat ki pairwi me hi hidaayat hai aur unke elaawa kisi teesre ki baat ko shariat maan kar amal karna gumraahi hai, aur har gumrahi jahannum me le jaane waali hai,

mazkoorah ayat wa hadith se ye baat waazeh ho gayi ke nejaad wa kaamyabi sirf kitabullah aur sunnat e rasoolullah sallallaho alaihi wasallam (pbuh) ki pairwi me hai...

Allah taala ham tamaam musalmano ko gumrahi se bachaaye aur kitab wa sunnat ki pairwi ki taufeeq de....... AMEEN.

SAB MUSALMAN DAHSHAT GARD NAHIN HAIN LEKIN SAB DAHSHAT GARD MUSALMAN HAIN: (MEDIA)

bismillahirrahmanirraheem

SAB MUSALMAN DAHSHAT GARD NAHIN HAIN LEKIN SAB DAHSHAT GARD MUSALMAN HAIN: (MEDIA)

Haalanke MUMBAI bomb blast ke baad ye jumlah aksar suna ja raha hai, jisse ye matlab nikalta hai ke dahshat gardi musalmano ke liye makhsoos(specially) hai,

lekin haqiqat bilkul iske khilaaf hai,

pahle ye ke dahshat gardi koi naya amal(act) nahi hai,

1881 me balwaaiyon ne russia ke alexandar ll aur unke 21 saathiyon ko qatal kar diya,

1901 me america ke president william mckinley aur italy ke baadshah umberto 1st balwaaiyon ke haathon qatal hue,

1914 me 1st world war ki shuruaat us waqt hui jab AUSTRIA ke arch duke ferdinend ko qatal kar diya gaya,

ye balwaayi dahshat gard MUSALMAN nahi they,

dahshat gardi ka matlab hai siyasi(political) faayede ke liye aawaam (peoples) ka qatal, is tashreeh (explanation) ke mutaabik angrezon ke liye bhagat singh, chandra shekhar azaad etc. Dahshat They, jo Hindustan ki azaadi ke liye jaddo jehad kar rahe they,

ye bhi musalman na they, balki hindu ya sikh they,

fidel castro ne apni inqelaabi tahreek ke dauraan sainkdon ki jaanen li, wah bhi dahshat gard kahlaaye jab tak wah jeet nahi gaye, yahan bhi musalmano ka koi zikr nahi,

second world war ke baad phelestene me yahudi qaatil daston ne yahudi riyaasat ke qayam ke liye jung ki, hotels aur gharon par bambaari ki, aam shahriyon ko qatal kiya,

britain jo us waqt phelestine par kaabiz tha un yahudi jattho ko "DAHSHAT GARD" ke naam se pukaarta rahta tha,

un mese kai dahshat gard phelestine se aazaad hokar israel me qayem yahudi huqumat me aala(unche) ohdon(post) par faiz ho gaye..

Jinme moshche dayan, ishaaq raban, menachem begin, areal sheron qaabil zikr hain,

asal me yahi dahshat gard hukumat me aane ke baad un Arabon dahshat gard bata rahe hain

1968 to 1992 ke darmiyaan germany me "baader meinhof" group ne kaafi logon ki jaanen li, jinme germany ke private agency ka sadar bhi shaamil tha, italy me "red army" ne ALDOMORE ko agwa(kidnap) kiya aur uske baad me qatal kar diya, aldomore wahan ka foreign minister tha.

Japan ki "RED ARMY" german ke "RED ARMY" ka dusra chehra thi, jiske "BUDH MAZHAB" ko maanne waale group rome se gahre taalluqaat they, un logon ne TOKIYO me 1995 me hazaaron logon ko metro me " POISNOUS GAS" Ke zariye maar daala..

EUROPE me " R S REPUBLICAN ARMY" Ek sadi se catholic isaaiyon ka ek dahshat gard group hai,

Spain aur france " ETA" aur " BASQUE" dahshat gard partiyon se mutaasir hain...

AFRICA me toh aisa khoon kharaaba aur balwa barpa hai ke log uski fikr hi nahi karte ke kisko dahshat gard kahen aur ab to wah apni sarhadon ke baaher bhi chale gaye hain, jin me sabse khatarnaak UGANDA ki "LORDS RESISTANCE ARMY" hai, Jo ek isaayi(christian) group hai, jo bacchon ko saamne karke dahshat gardi kar rahi hai..

SRI LANKA me "TAMIL TIGERS" ne duniya ka sabse mazboot tareen dahshat gard taiyyar kar rakha hai, jisne sabse pahle baccho ko dahshat gardi ka sabak(lesson) sikhaaya, ye sab HINDU hain,

khudkhushi bam dhamaake (fidaain) ke peletine's aur iraaqion me paaye jaate hain, lekin uski shuruaat SRI LANKA se hi hui aur aise hi ek dhamake me 1991 me hindustan ke PRIME MINISTER raajiv gandhi kaam aa gaye...

Punjab me BHANDRAN wala sikh tha , Assam me " UNITED LIBERATION FRONT" EK hindu dahshat gard group hai jo musalmano ko apna nishaana banaati hai, Tirupura ne haal hi me kai dahshat gard groups ke utaar chadhaao dekhe hain, aur yahi tasweer Assam ki hai jahan BODWA kasriyat se hain, isaaiyi MIZO arse se baghaawat kar rahe hain aur isaaiyi NAGA dahshat gardi ko hawa de rahe hain...

Ab zyada tawajjoh (importance) MAAO Dahshat gard groups hai jo hindustan ke taqriban 600 mese 150 zila(district) me asar rakhti hai, ye police par hamla karte hain, aur gaon gaon jahan log inse ikhtelaaf karte hain unhe barbaad kar dete hain,

ye " SECULAR DAHSHAT GARD GROUP " hain, jinki taadaat aur raqba jis par inka control hai, wah musalman dahshat gardon se kahin zyaada hai..

Mukhtasar ye ke dahshat gardi musalmano ki hi paidaish nahi hai, deegar qaumo(community) me inki taadaad kam nahi hai jin me isaayi (christian), yahudi (jews), hindu, aur sikh yahan tak ke budh mazhab ke maanne waale bhi shaamil hain,

SECULAR DAHSHAT GARD (naxal, maaowaadi) sabse bade qaatil hain......

PHIR KYON YE KAHA JAA RAHA HAI KE ZYADATAR YA SAB DAHSHAT GARD GROUPS KA TALLUQ MUSALMAAN SE HAI,

mujhe isme do baatein nazar aati hain,

pahla ye ke Hindustani awaam zyadatar maghribi(western) zaraaye (media) ko accha aur bahtar maante hain aur maghrib(West) mahsoos kar raha hai ke wah is waqt islami dahshat gardi ke nishaane par hai,

catholic R S Dahshat gardon ne englistaan me ab tak hazaaron angrezon ko maut ke ghaat utaara hai, ba'nisbat musalmano ke,

lekin unhe london aur madrid me bomb blast to yaad rahi aur baaqi sab bhool gaye, "BADER MEINHOF GROUP", " IRA", aur "RED ARMY" se ab wah zyada khatra mahsoos nahi kar rahe hain,

aur 9/11 ke baad america aur europe har waqt khauf zadah rahte hain ke un par kahin bhi aur kabhi bhi hamla ho sakta hai, yahi wajah hai ke wah islami dahshat gardi ka hawwa khada kiye hain, unhen ab africa, lanka, aur hindustan ki deegar dahshat gard groups ki fikr nahi hai...

Hindustaan me is waqt maaowaadion se auron ki ba'nisbat zabardast khatra hai, 150 zilon me jo hindustan ke 1/3 hissa par mazboot hain ye khatrah mandra raha hai, lekin hindustaan ka padha likha tabqa(educated peoples) jo western media ko motbar Maan raha hai, wah isse be'fikr hai, aur bahari PROPAGANDA ke tahat islami dahshat gardi ka raag alaap raha hai....

KHUDKHUSHI HAMLAWAR (SUICIDE BOMB/FIDAIN) MADARSON ME PAIDA NAHI HOTE:

kuch saal pahle 9/11 ke haadse ko agar dahshat gardi ka sabse bada waqeya(incidence) qaraar diya jaaye toh ghalat na hoga...

Aeroplane hijack ke nateeje me pesh aane waale is haadse ko khudkhushi hamla qaraar diya jaata hai,

is haadse ne khudkhushi hamlon ke ek naye silsile ka aghaaz kar diya,

madrid dhamakon se "imam bargah ali raza" tak in tamam hamlon ko khudkhushi hamla qarar de kar inteha pasandi ke khilaaf jung ke ek naye baab ka aaghaaz huwa,

khudkhushi hamlawaron se lekar khudkhushi hamlon ke asbaab(haalat) ke baare me baheson ka ek silsila shuru ho gaya, magar iska koi bahtar khaatmi nateeja nahi nikla,

koi bhi shakhs ya koi bhi religious organisation khudkhushi hamle aur uski wajuhaat ki wazaahat nahi Kar sakta,

agarchah america uski ittehadi hukumat, pakistan ke khyaal me in khudkhushi hamlon ke taane baane islami inteha pasandi se ja milte hain.

Ta ham haqiqat mahaz yahi nahi jo hukumat pakistan ameriki aine(mirror) dikhaati hai, balke haqaiq(haqeeqat) to ye saabit karte hain ke duniya me khudkhushi hamlawaron ki aksariyat ka taalluq jadeed tabqa se hai, jise mordern tabqa kaha ja sakta hai,

hukumat e pakistan ne unhi khudkhushi hamlon ko buniyaad bana kar deeni madaris ko " breeding factories" qaraar diya tha ke jahan khudkhushi hamlawar taiyyar kiye jaate hain,

hukumat e pakistan ke is daawe me kitni sacchaai hai, uska poll bhi kisi aur ne nahi balke khud ek ameriki muhaqqiq ne khola..

Haqiqat ye hai ke khudkhushi hamlon ka maamla bhi " hote hain kuch, nazar aate hain kuch" ke misdaaq hai,

is jhooti haqiqat ka bhi jayeza lena chahiye...

Madarse khudkhushi hamlawaron ka gadh nazar aate hain Na islami inteha pasandi unko is hamla ke liye uskaati hai,

balke ye wajahen hain jo in hamlon ka buniyadi jad hai..

Robert peep, shicago university me associate professer hain, unki kitab "DYING TO WIN", Khudkhushi hamlon ki wajah ka ahaata karti hai,

khudkhushi hamla, unko karne waale yani hamlawar, aur khud khushi hamlon ke baare me inki maalumaat in haqiqat se bilkul alag hain jin ka dhindora america aur uska ittehadi pakistan peette hain

robert peep ke mutabik jo khudkhushi hamlon ki buniyadi wajah inteha pasandi nahi balke ye maqbooza ilaaqon(areas) ke aawam ka tareeqa hai,... Dilchasp baat ye hai ke robert peep ka mauqaf bilkul wahi hai jo musalmano ki aksariyat ka hai,

is mauqaf ko apnaane se professor robert ne 1980 se lekar 2004 tak hone waale tamam khudkhushi hamlon ka record jama kiya hai

is par roshni daalne ke husool me unhone mahaz akhbaraat(newpapers) ka sahara lena hi kaafi na Na samjha balke uske liye khud un hamlawaron ke mahaul se bhi bahut sa proof ikattha kiya,

maalumaat ke is bade zakheere se professor robert is nateeje par pahunche ke ISLAMI buniyad parasti in hamlon ka buniyadi wajah nahi hai...

Balki un hamlon ki wajah ka taalluq " tamil tigers" se hai,

yaad rahe tamil tigers ka taalluq kisi mazhabi group se nahi balke markswaadi ke haami secular logon ka group hai..

Professor apni is research ke hawale se kahte hain ke:-" jahan tak in hamlon ka mazhab se jodne ka talluq hai, to uski haqiqat bhi ye hai ke 95% khudkhushi hamle maqboozah ilaaqon me hote hain, lebanon se srilanka, aur chechenya se kashmir tak, haq ki ladaayi jaari hai, jamhuriat ke liye jed o jehad hai"

islami inteha pasandi ke hawaale se apne mauqaf ki wazaahat ke liye professer robert kuch yun daleel dete hain

" iran duniya ke chand un islami mumalik me shamil hai jahan buniyaad parasti ka rang Ghaalib hai, iran ki aabaadi 70 million hai, jo ke iraq aur saudi arabia se 3 guna zyada hai, lekin us ke bawajood na to aaj tak iraaq ya kisi aur mulk me iran se talluqaat(relation) rakhne waale inteha pasandon ne hamla kiya aur na khud kabhi irani al qaeda ne hamla kiya"

"sudan ki aabadi 21 million hai jab ke uski huqumat inteha darje ki buniyad parasat hai, aur phir sab se badhkar ye ke usama bin laden wahan 3 saal raha hai lekin uske bawajood aaj tak koi sudani khudkhushi hamlawar nahi bana hai "

wah kahte hain ke is soorat e haal ki wajahat ke liye jab maine 1995 se 2004 tak ke un hamlon ke baare me saboot ikattha kiya jin me "AL QAIDA" shamil thi to malum huwa ke unme se kisi ka bhi taalluq buniyad parasat islami mulk se na tha, balke un 2/3 ka talluq un ilaaqon se tha jahan 1990 se american army zabardasti qaabiz hain,

aur uski sabse badi misaal khud iraq hai, jahan mazi me khudkhushi hamlon Ki koi nazeer nahi milti,

magar jab 2003 me jab america apni 1.5 lakh army ke saath iraq par hamlawar huwa to yahan khudkhushi hamlon ki shuruaat hui, aur baad me unki tadaad me izaafa(increment) hota gaya hai.

2002 me in hamlon ki tadaad 20 thi, 2004 me ye tadaad badh kar 48 ho gayi, aur 2005 ke sirf 5 mahino me iski tadaad 50 se zyada thi,

iske elawa us baat ka bhi koi saboot maujood nahi ke iraq par ameriki hamle se pahle wahan dahshat gard groups maujood they,

un dahshat gard group ki shuruaat bhi ameriki hamle aur qabze ke baad amal me aaya hai, aur meri tahqeeqaat ke mutabik in khudkhushi hamlawaron ki aksariyat mujrim nahi balke wah razakaarana taur par apne aapko pesh karte hain aur khud khushi hamla jisme wah khud baheq jaate hain,

professor robert in khudkhushi hamlon me mazhab ke kirdaar(role) ke haami hai...

Lekin wah isko duniya ki nazar se nahi dekhte jis tarah duniya mazhab ke Kirdaar(role) ko dekhti hai..

Professer robert ki research ke mutabik jahan jahan khudkhushi hamle hote hain wahan qabza ke saath saath qabiz aur majboor awaam ke darmiyan mazhabi farq bhi maujood hota hai,

ye farq pelestene aur iraq me hi nahi balke sri lanka me budh math ke pairokaaron aur tamil hinduon me bhi maujood hai,

jab usama bin laden apne pairokaaron ko ameriki fauj ke khilaaf jihad ka huqm deta hai to uski sabse badi daleel ye hoti hai ke "ameriki fauj tumhare mulqon par qaabiz hain ", aur ye ek haqiqat hai jise ham jhutla nahi sakte.......

In sab baaton ki tashreeh(explanation) ke baad robert peep ka kahna hai ke

" duniya me tezi se badhte khudkushi hamlon ke is rujhaan ko rokne ka sirf ek hi tareeqa baaqi rah jaata hai ke qaabiz fauj(nato force) maqboozah ilaaqon se nikal jaayen, is silsile me lebanon ki misaal sab ke saamne hai ke jab america aur france ne ilaaqe se apni force nikaal Li, to kuch baghawat poori taur par toh khatm nahi hui, magar khudkushi hamlon ka silsila badi hadh tak kam ho gaya, lebanon ki hi misaal ka agar jayeza liya jaaye to malum hota hai ke 80 ki dahaayi ke un hamlon me sirf 8 hamle musalmano ki taraf se they, jabke 27 hamlawaron ka talluq "communist aur secularist" groups se tha, aur 3 hamlawar "isaayi" they...."

professor robert wah mashoor maghribi (western) muhaqqiq nahi, jinhone taassub ki ainak utaar kar halaat wa waqeyaat ka tajurba kiya hai, balke aise bahut se western writer hain jinke khyalaat ameriki sadar(president) aur ameriki policies ke khilaaf awaaz uthaate hain..

Unhi mese ek peter barton hain, jinhone deeni madarson ke baare me ameriki sadar ke ilzaam ko haqiqat ki kasauti par rakha hai..

Peter ke mutabiq:-" ye madaris ek buniyad parast musalman to shayed bana sakte hain, magar ba'qayeda tarbiyat yaafta aur techniki baariqiyon se aagaah Dahshat gard baher haal paida nahi kar sakte"

apni is tahqeeq me peter ne duniya me dahshat gardi ke bade bade waqeyaat me shamil 75 dahshat gardon ke taaleemi background ka jaayeza liya hai aur is jaayeze ke baad wah is nateeje par pahuncha hai ke unki aksariyat ka taalluq technical tabqa yani engineering wagerah se hai....

Aur baali bomblast me shamil sirf 9 hamlawaron ka talluq madarson se tha aur dilchasp baat ye hai ke yahan bhi mastermind ka kirdaar ada karne walon me colleges se taaleem yaafta aur university lecturer shamil hain,

peter apni tahqeeq me is nateeje par pahuncha ke "aise madaris jo ke islami duniya me taaleem ka ek aham zariya hain, wah na to america ke liye khatrah hai aur na unhen aisa samjha jaana chahiye"

khudkushi hamlon aur hamlawaron ke baare me tahqeeqaat ka silsila sirf yahan tak mahdood nahi, balke is hawaale se haqeeqat ka ek silsila maujood hain, magar afsos naak baat ye hai ke magrib(west) sirf apne faayede se mutabik haqeeqat ko duniya ke saamne pesh karta hai aur usse bhi badh kar sharmnaak haqiqat ye hai ke " ameriki faayede me aage badhne " ka khwahish mand hukmaran tabqa aankhen band karke western mulkon ki haan me haan mila raha hai,

hona toh ye chahiye tha ke western ilzaamaat ko dhone ke liye, unka pardah chaak karne ke liye khud maghribi tahqeeqaat ko istemaal kiya jaata, magar afsos ke aisa nahi hota,

shayad west ki andhi taqleed me hamare dil se ahsas hi khatm ho gaya aur ham us andhi daudh me us raaste ka rukh kar chuke hai, jiska anjaam tabaaaahi hai.....

THE END

ZAKAAT KI AHMIYAT AUR MASAIL:

ZAKAAT NA DENE WAALE KA ANJAAM AUR MASAIL

Bismillahirrahmanirraheem

ZAKAAT NA DENE WAALE KA ANJAAM:

Jaisa ke pahle ghuzar chuka hai ke zakaat farz hai aur islam ke arkaan mese ek ruqn hai,

chunanche agar koi shakhs is farziyat se inkaar karta ho wah yaqinan KAAFIR aur WAAJIB UL QATAL hai,

yahi wajah hai ke hz abu bakr ra ke khalifa banne ke baad bad'zan logon ne zakaat dene se inkaar kar diya tha,

aapne unke khilaaf elaan-e- Jung karte hue farmaya tha :-" allah ki kasam jo log ek rassi(rope) bhi rasoollullah sallalaho alaihi wasallam(pbuh) ko diya karte they, agar mujhe nahi denge toh main unse jung karunga"

(bukhari)

aur jo shakhs zakaat ki farziyat ka qayel ho toh ho lekin use ada na karta ho toh uska anjaam kiya hoga uske mutaallik allah ka irshaad maujood hai.... Ghaur se padhlen

" aur jo log sona chandi ka khazaana rakhte hain, aur allah ki raah me kharch nahi karte, unhe dardnaak azaab ki khabar pahuncha dijiye, jis din us khajaane ko aatish dozakh(hell fire) me tapaaya jaayega, Phir usse inki peshaaniyan aur pahluon aur peeth daaghi jaayegi, (aur unse kaha jaayega) ye hai jise tumne apne liye khazaana bana rakha tha, pas apne khazaano ka maza chakkho"

(surah tauba 35)

aur rasoollullah sallalaho alaihi wasallam(pbuh) ka farmaan hai:-" allah ne jisko maal se nawaaza aur phir usne zakaat ada nahi ki, qiyamat ke Din uska maal saanp(snake) ki shakal me aayega, jiski aankhon ke uper siyaah(black) nuqte honge, ye saanp uske gale(neck) ka tauq hoga aur uske jabde ko pakad lega aur kahega, main hoon tera maal, main hoon tera khazaana"

(sahih bukhari)

JIN CHEEZON PAR ZAKAAT FARZ HAI:

Islam me jin cheezon par zakaat farz hai unka khulaasa neeche ho raha hai,

1- SONA, CHANDI AUR NAGADI (GOLD, SILVER, CASH)

Sone chandi me zakaat farz hai, ba'sharte ke inki miqdaar muqarrar nisaab ke baraar ya usse zyada hon, aur uski milkiyat par ek saal guzar chuka ho,

yaad rahe sone ka nisaab 85 gms, jabke chandi ka nisaab 595 gms. hai,

agar sona 85 gms se aur chandi 595 gms se kam ho toh zakaat farz nahi hogi,

aur agar ye donon apne muqarrar wazan(weight) ke baraabar ya usse zyadah to hon lekin un par saal na guzra ho toh bhi zakaat farz nahi hogi,

mazkoorah dono sharten agar maujood hon toh sone chandi ki zakaat Nikaalne ka tareeqa ye hai ke

" sabse pahle unka wazan dekh liya jaaye, phir market ke maujoodah rate(price) ke mutabik us wazan ki qeemat malum kar len, phir uska 2.5% ya 40wa hissa zakaat ki nisbat se ada karen"

MASLA-1

Kisi shakhs ke paas saal ke shuru me sone/chandi ka poora nisaab maujood tha, lekin saal poora hone se pahle pahle wah usme se kuch miqdaar ko bech(sale) kar kharch kar leta hai, aur yun unka wazan nisaab se kam ho jaata hai toh uspar zakaat farz nahi hogi,

aur agar in saal me sona chandi khareedne ki wajah se unka wazan nisaab se zyaadah ho jaata hai to zakaat ki adaayegi ke waqt baad me khareede gaye sona/chandi ka wazan bhi shamil karna hoga....

MASLA-2

Sona/chandi chaahe dhele(biscuits, coins) ki shakl me ho ya zeweraat(jewellary) ki shakal me, donon soorat me zakaat farz hogi,

hadith me aata hai ke ek aurat,

rasoollullah sallalaho alaihi wasallam(pbuh) ke paas aayi, Uski beti ke haath me do kangan they, aap rasoollullah sallalaho alaihi wasallam(pbuh) ne poocha:- kiya tumne unki zakaat deti ho ? Usne kaha nahi, to aap rasoollullah sallalaho alaihi wasallam(pbuh) ne farmaya:-" kya tumhe ye baat pasand hai ke qayamat ke din allah taala tumhen un dono(kangan) ke badle aag ke kangan pahnaaye? Toh usne kangan unhi zameen par phenk diya aur kaha-" ye dono allah aur uske rasool ke liye hain "

(abu dawood, nisaai, ba sanad sahih)

MASLA-3

paper currency chaahe, riyaal ho ya dinaar, ruppee ho ya dollar....... Wah bhi sone chandi ke huqm me aati hai,

lihaaza jis shakhs ke paas sone/chandi ke nisaab ke qeemat ke baraabar ya usse zyada currency maujood ho aur us par saal ghuzar chuka ho to usme ZAKAAT farz hogi..

Aur uski adaayegi ka tareeqa ye hoga ke:-" saal ke aakhir me jab zakaat ada karni ho to us waqt dekh liya jaaye ke 85gm sone ki qeemat kitni hai, phir jitni Currency saal bhar rahe ho wah bhi dekh li jaaye, agar wah 85gm sone ki keemat ke baraabar ya usse zyadah ho to uska 2.5% ya 40wa hissa ba'taur zakaat ada karen....

MASLA-4

Ek shakhs ke paas saal ke shuru me to paper currency , sone/chandi, ke nisaab ke baraabar thi, lekin dauraan saal me usme aur izaafa(increment) hota raha toh saal ke aakhir me jitni currency maujood ho sab ki sab shamil karke " TOTAL" ka 2.5% ba'taur zakaat ada karen,

jo raqam dauran e saal aayi thi unki zakaat peshgi ada ho jaayegi...

MASLA-5

Tankhwaah daar insaan (salaried person) apni mahaana bachat (monthly saving) ki zakaat kis tarah ada karega ??

Iski do sooratein hain, ek to yeh ke har maah itni bachat hoti hai ke wah sone/chandi ke nisaab ki qeemat ke baraabar hai toh us soorat me har maah ki bachi hui tankhwaah par jaise jaise saal poora hota jaaye uski zakaat nikaalta jaaye,

aur agar pahle maah ki zakaat ada karte Waqt baqi 11 maah ki zakaat bhi peshgi(advance) ada karna chaahe toh bhi durust hoga,

aur dusri soorat ye hai ke har maah ki bachat nisaab ke baraabar nahi, albatta do teen maah ki bachat ko mila liya jaaye to wah nisaab zakaat ke baraabar ho jaati hai, to is soorat me saal ke akhtimam par uske paas jitni bachat maujood ho uska 2.5% ba'taur zakaat ada kare

MASLA-6

Heeron (diamonds) aur jewellery par zakaat farz nahi hai, elawa ke unse tijaarat(business) kiya ja raha ho, to is soorat me deegar tijaarati saamaan ke saath unki zakaat bhi ada karni hogi...

MASLA-7

Qarz ki zakaat

iski do sooratein hain,

ek toh yah ke maqrooz qarzedaar hain aur use jald ya bareed waapas karne ki taaqat bhi rakhta hai,

ya karzedaar toh qarze se inkaari ho lekin adaalat me case karke usse karza waapas lene ka yaqeen ho,

is soorat me qarz ki raqam ki zakaat ada karni hogi,

aur uska tareeqa ye hai ke:-" saal ke Akhtimam par jab maujooda maal ka hisaab kiya ja raha ho toh uske saath qarz ki raqam ko bhi shaamil kar liye jaaye, aur total ka 2.5% ba'taur zakaat ada kar diya jaaye,

aur dusri soorat ye hai ke:-" maqrooz(karzdaar) karz dene se inkaari ho aur adaalat me case zariye se bhi na milne ka imkaan bhi na ho,

ya wah qarze ko tasleem toh karta ho lekin har aaye din waapsi ka waada karke waada khilaafi karta ho, ya uske haalaat hi aise hon ke wah qarza wapas karne ki taaqat hi nahi rakhta ho toh aisi soorat me qarz ki raqam par zakaat farz nahi hogi,

haan agar karzdaar karza wapas kar de toh guzashta ek saal ki zakaat ada kar di jaaye...

MASLA-8

Ek shakhs ke paas zakaat ka nisaab toh maujood hai, chaahe sona, chandi, ki shakl me ya kisi aur shakl me, lekin wah khud dusron ka karzdaar hai, aur agar zakaat ada karta hai toh mazeed bojh tale dab jaane ka andesha hai, toh aisi soorat me us par zakaat farz Nahi hogi, haan agar qarz ki adaayegi ke baad bhi uske paas zakaat ke nisaab ke baraabar maal maujood hai aur uspar saal ghuzar chuka hai to uska 2.5% zakaat ki niyat se ada karna zaroori hai...

MASLA-9

Company ki hisson (shares) agar tijaarati maqsad se khareede gaye hain aur unpar saal guzar chuka hai toh un ki zakaat ada karna laazmi hoga,

agar khud company tamaam partners ke hisson ki zakaat ada karti hai toh theek hai, warna har partner apne apne hisson ki zakaat ada karne ka paband hai...

MASLA-10

Zakaat pure sone/chandi par farz hoti hai, lihaaza milaawat ko wazan karne me shumaar nahi kiya jaayega,

is tarah agar milaawat ka wazan nikaal kar khaalis sone, chandi ka wazan muqarrar nisaab se kam hojata hai toh us par zakaat farz nahi hogi...

2- TIJAARATI SAMAAN (BUSINESS ASSTS)

Dusri cheez jis par zakaat farz hoti hai " tijaarati saamaan" aur usse muraad wah tamaam cheez hain jinhe Tijaarat ki niyyat se khareeda jaaye, chaahe makaami market se ya baaher se bar'amad kar ke, isi tarah wah tamaam cheezen is huqm se nikal jaati hain jinhen kisi ne apne zaati(personal) istemal ke liye khareeda ho, maslan ghar, gaadi(vehicle), aur zameen wagerah

toh aise ashyaar par zakaat nahi, aur isi tarah sana'ati machinery, stores aur unme padi almirah, dafatar par bhi zakaat farz nahi ,

kyonki aisi tamaam cheezen ek jagah par baqaraar rahti hain aur unhe bech kar tijarat karna maqsood nahi hota...

BUSINESS ASSTS PAR ZAKAAT NIKAALNE KA TAREEQA:

Saal ke aakhir me taajir (firm ho ya company) ko chahiye ke wah apne tamaam tijaarat saamaan ki market ke maujooda rate ke mutabik qeemat lagaaye, phir uske paas saal bhar jo nagadi(cash) currency rahi ho use isme shaamil kar len, isi tarah uska jo qarza waapsi ho use bhi hisaab me shaamil kiya jaaye, aur agar wah khud qarzedaar ho toh qarze ki Raqam nikaal kar baaqi tamaam raqam ka 2.5% ya 40wa hissa ba'taur zakaat ada kare....

MASLA-

sana'ati aalaat aur machinery ki asal qeemat par zakaat nahi, albatta unki aamdani agar zakaat ke nisaab ko pahunch jaaye aur us par saal bhar guzar jaaye to usse zakaat nikaalna zaroori hoga, aur yahi huqm kiraaye (rent) par diye gaye makaan(house), dukaan(shops) aur gaadion(vehicles) wagerah ka hai ke unki asal qeemat par zakaat nahi, kiraaye par hogi...

Ba'sharte ke ye nisaab ko pahunch jaaye aur us par saal bhar guzar jaaye to uska 2.5% ada karna hoga, albatta in ashyaar par ada kiya kiye jaane waala TAX aur unki dekh bhaal par aane waale deegar akhraajaat in cheezon ki aamdani se nikaal liye jaayen, aur is tarah agar malik ka ko zariya ma'aash nahi toh wah apne biwi ,bacchon ke jaayez akhraajaat bhi aamdani se nikaal le, phir jo raqam baaqi ho usse zakaat ada kare....

HAIWAANAAT (LIVESTOCK)

Jin Maweshion(pet animals) par zakaat farz hai wah ye hain,

oont(camel), gaaye(cow), bhains(buffalo), aur bhedh(sheep), bakri (goats)

rasoollullah sallalaho alaihi wasallam(pbuh) ka farmaan hai:-" jis shakhs ke paas, oont ya gaaye, ya bakriyan hain aur usne inki zakaat ada nahi ki to qayamat ke din unhe bahut bada aur mota karke laaya jaayega, phir wah use apne taapon se raundenge aur apne seengon se maarenge, jab sab uske upar se guzar jayenge toh pahle ko phir lautaaya jaayega, aur logon ka faisla hone tak uske saath aisa hi hota rahega"

(bukhari)

maweshion me zakaat ki farziyat ke liye 4 sharten hain:

ek ye ke wah apne muqarrar nisaab ko pahunch jaayen, yaad rahe ke oont ka kam se kam nisaab 5, gaaye/bhains ka 3, aur bhedh bakriyon ka 40 hai...

Dusri shart ye hai ke unki milkiyat par saal guzar jaaye

teesra ye ke saal ka aksar hissa ye maweshi charti rahe hon aur malik ko saal bhar ka beshtar Hissa unki khuraak khareedna na padi ho,

aur chauthi shart ye hai ke ye jaanwar kheti baadi ya bojh uthaane ke liye na hon, aur yahan ye baat mad'denazar rahni chahiye ke maweshion ko agar tijaarat ki niyat se khareeda gaya ho toh unki zakaat dusre saamaan e tijaarat ki tarah nikaali jaayegi,

chunanche unki qeemat ka aitbaar hoga na ki tadaad ka,

maweshion ke nisaab ki deegar tafseel hadith aur fiqh ki kitabon me dekhi ja sakti hain.....

ZAMEENI PAIDAWAAR (AGRICULTURAL):

Farmaan e ilaahi hai:

" aiy imaan walon ! Apni pakeezah kamaayi mese, aur ham ne tumhare liye zameen se jin cheezon ko nikaala hai, unme kharch karo"

(surah baqarah 267)

is aayat se saabit huwa ke zameeni paidawaar maslan gehun, jau, chaawal, khajoor, angoor, aur zaitoon wagerah par zakaat farz hai, aur is baat par poori ummat ka ijma hai...

ZAMEENI PAIDAWAAR KA NISAAB E ZAKAAT:

Farmaan e

rasoollullah sallalaho alaihi Wasallam(pbuh) hai:-" 5 wasq se kam me zakaat nahi"

(mutaffiq alaih)

5 wask ki miqdaar maujoodah hisaab ke aitbaar se 683 kgs hai, is tarah zameeni paidawaar agar mazkoorah wazan se kam ho to zakaat farz nahi hogi....

ZAMEENI PAIDAWAAR KA KITNA HISSA ZAKAAT ME DIYA JAAYE:

Farmaan e rasoollullah sallalaho alaihi wasallam(pbuh) hai:-" jis ko baarish(rain) aur chasmon(wells,lakes,river etc) ke paani se seeraab(irrigate) kiya ho ya wah khud ba khud zameeni paani se seeraab huwa ho, usme 10wa hissa hai, aur jisko aalaat(machinery, instrument) ke zariye ya mahnat se seeraab kiya gaya ho to usme 20wa hissa hai"

(bukhari)

is hadith se saabit huwa ke jo paidawaar baarishi paani ya naheri paani ya chasmo ke paani se haasil hui ho, uska 10wa hissa aur jise musibaton(difficulties) ke zariye seeraab karke haasil kiya gaya ho, uska 20wa hissa ba'taur zakaat ada karna chahiye...

MASLA-1

Zameeni paidawaar Par saal guzarna zaroori nahin, balke wah jaise hi haasil hogi, uski zakaat fauran ada karni hogi,

farman e ilaahi hai:

" uska haq uski kataayi ke din ada karo"

(surah anaam 141)

MASLA-2

Taaza istemaal hone waale phoolon(flowers) aur sabzion par zakaat nahi hai, albatta unki tijaarat ki jaaye,

tijaarat ki soorat me unki qeemat agar nisaab e zakaat pahunch jaaye aur wah saal bhar uske paas rahe to uska 2.5% ada karna hoga...

ZAKAAT KE HAQDAAR:

Yani kaun zakaat lene ke mustahiq hain?

Allah ka farmaan hai

" sadqe sirf faqeeron, miskeeno aur unke wasool karne waalon ke liye hain, aur unke liye jinki taaleef e qalb maqsood hon, aur ghulamon ko azaad karaane me aur qarz daaron ke liye aur allah ki raah me aur musaafir k liye, ye farz hai allah ki taraf se"

(surah tauba 60)

is ayat se malum hota hai ke zakaat ke mustahik yahi 8 hain, inko chhod kar kisi aur par zakaat kharch nahi ki ja sakti..

Albatta ye zaroori nahi ke zakaat ki raqam in 8 par kharch ki jaaye balke inme se jo zyadah munasib aur zyadah zarurat mand hon us par ise kharch kar diya jaaye

1- FUQARA AUR MASAKEEN:

Se muraad wah log hain jo zarurat mand hon aur jin ke paas itna maal na ho ke jisse wah apne biwi bacchon ke akhraajaat poore kar saken, unhen zakaat ki raqam se itna paisa diya jaaye ke jo ziyadah se ziyadah ek saal tak unki zaroorat ke liye kaafi ho

2-AAMEELEEN ALAIHA:

isse muraad zakaat ikattha karne waale aur use mustahaqeen me taqseem karne waale log hain, unhe zakaat ki raqam se unke kaam ke badle tankhwah diya ja sakta hai, khwaah wah maaldaar kyon na hon,

3- WAL MUWALAFA QULOO BUHUM:

Isse muraad kamzor imaan waale naye muslim log hain, ya aise log jinke musalmaan hone ki ummeed ho, ya aise kuffar jinko maal dene se toqa ho ke wah aise qabeele ya ilaaqe ke logon ko musalmano par hamlawar hone se rokenge..

5- WAFIR'RIQAAB:

Isse muraad ye hai ke ghulaamon ko uske aaqaaon se chhuda kar azaad kar dena

6-MAQROOZ:

Jo karz dene ki taqat na rakhta ho, use zakaat ki raqam di ja sakti hai, ba'sharte usne qarzah jaayez maqsad ke liye liya ho,

isi tarah aise log jinka kaarobaar shadeed khasaare ka shikaar ho gaya ho, toh unhe bhi zakaat di ja sakti hai...

7- FI'SABEELILLAH:

Se muraad jihaad aur deegar tamaam deeni maqasad hain jo allah ki raza ke hote hain, maslan madaris ki taameer, unme zer taaleem talbah(students) aur hospital wagerah me zakaat ki raqat kharch ki ja sakti hain,

8- Wah musaafir jiska safar jayez maqsad ke liye huwa ho aur uska zaad e raah dauraan safar khtam ho jaaye aur wah safari zaruriyaat ko poora karne ke liye paise ka mohtaaj ho, use bhi zakaat di ja sakti hai....

Mazkoorah mustahaqqeen zakaat agar apne qareebi rishtedaaron me mil jaaye to unhe zakaat dene se dugna(double) Ajar(benefit) milega...

Apne biwi, bacchon aur waalidain ko zakaat nahi di ja sakti,

haan ! Bahen, bhai, agar zarurat mand hon to unhe zakaat dene se dugna(double) ajar milega, isi tarah daulat mand aur kamaane waale aur faasiq wa faajir ko zaakaat nahi di ja sakti....

Aur aal-e-rasoollullah sallalaho alaihi wasallam(pbuh) ko bhi zakaat nahi di ja sakti......

NOTE: AMAL KARNE SE PAHLE KISI AALIM SE MASHWARA KAR LEN...... Jazakallahu khairan kaseera..

ZAKAAT KI AHMIYAT AUR MASAIL (FULL)

Bismillahirrahmanirraheem

ZAKAAT KI AHMIYAT AUR MASAIL:

ZAKAAT KI TAAREEF:

Arabic zabaan me lafz zakaat " paakizgi, badhotri(increment), aur barkat ke mano me istemal hota hai, aur shariat me zakaat ek makhsoos maal ke makhsoos hisse ko kaha jaata hai, jo makhsoos logon ko diya jaata hai aur ise zakaat isliye kaha gaya hai ke isse dene waale ko faayeda hota hai aur uska maal paak aur ba'barkat ho jaata hai,

yaad rahe ke zakaat ke liye quraan wa sunnat me "sadqah" ka lafz bhi istemal kiya gaya hai,

jaisa ke farman e ilaahi hai

" yani aiy paighambar aap unke maalon se sadqah le lijiye, jiske zariye aap unko paak saaf kar denge"

(surah tauba 103)

is aayat se malum huwa ke zakaat insaan ke akhlaaq wa kirdaar ki paakizgi ka bada zariya hai..

ZAKAAT KI AHMIYAT:

1- Zakaat deen e islam ke 5 buniyadi arkaan me se ek hai, jis par deen e islam qayem hai,

rasoollullah sallalaho alaihi wasallam(pbuh) Ka irshaad hai

" islam ki buniyaad 5 cheezon par hai, is baat ki gawahi dena ke allah ke siwa koi mabood nahi aur muhammad(sws) uske bande aur rasool hain aur namaz qayem karna aur zakaat ada karna..........."

(hadith)

2- zakaat allah ki rahmat ko haasil karne ka ek zariya hai,

allah ka farman hai

" aur meri rahmat to har cheez ko ghere hue hai, pas main apni rahmat un logon ke naam likh dun jo (gunah aur shirk se) bache rahte hain, aur zakaat ada karte hain"

(surah araaf 165)

3- zakaat, deeni bhai chaare ke hudood me se ek shart hai,

farman e ilaahi hai

" pas agar ye tauba karlen aur namaz ke paband ho jayen aur zakat dete rahen to tumhare deeni bhai hain"

(surah tauba 11)

4- muslim muashre me jin cheezon ko aam hona chahiye unme se ek zakaat hai

irshad e rabbani hai

" momin mard aurat aapas me ek dusre ke (madargaar) aur dost hain, wah bhalaai ka huqm dete aur buraayi se rokte hain, Namazon ko pabandi se baja laate hain aur zakaat ada karte hain"

( surah tauba 71)

5- jannaul firdaus ke waaris banne waale momino ki shifaat jo allah ne bayaan farmayi hai, in mese ek zakaat ada karna bhi hai..

Allah ka farman hai

" aur jo zakaat ada karne waale hain "

(surah momineen 14)

6- hz abu ayyub ra se riwayat hai ke ek shakhs ne rasoollullah sallalaho alaihi wasallam(pbuh) se kaha:-" mujhe aisa amal bataayen jise karne se main jannat me chala jaun ? To aap rasoollullah sallalaho alaihi wasallam(pbuh) ne farmaya:- allah hi ki ibadat karte raho aur uske saath kisi ko shareek mat banaao aur farz namaz pabandi se ada karte raho aur zakaat ada karte raho aur sulah rahmi karte raho"

( mutaffiq allaih)

7- zakaat ki adaayegi se maal badhta aur ba'barkat ho jaata hai aur aafaton se mahfooz ho jaata hai

allah ka farman hai

" aur tum sood(interest) dete ho taake logon ke maal me izaafa ho Jaaye ,toh allah ke yahan nahi badhta aur jo tum zakaat doge, allah ki khushnoodi paane ki khaatir toh aise log hi ki zyada se zyada paane waale hain"

(surah ar-room 39)

ZAKAAT KE FAAYEDE:

1- allah taala ne risq ki taqseem apne haath me rakhi hai, jise chahe zyadah de aur jise chaahe thoda de, lekin maaldaar ko allah taal ne zakaat dene aur sadqah karne aur allah ki raah me kharch karne ka huqm diya hai taaki jise allah ne thoda diya hai use be'gair sawaal ke milta rahe, aur uski zaruriyaat poori hoti rahen, aur faqeer ko allah taala ne sawaal na karne ka huqm diya hai taake uske andar sabr wa shukr jaise shafaat hameedah paida ho, is tarah muashre ke ye dono fardh allah ke ajar wa sawaab ke mustahiq hote hain, maaldaar kharch karke aur faqeer sabr wa shukr karke...

2- islam ke khoobsurat nizaam ki ek khoobi ye hai ke agar poore ikhlaas ke saath us par amal kiya jaaye to daulat chand logon Ke hanthon me hone ke bajaaye muashre ke tamaam afraad me gardish karti rahen, aur iski bar'ashk deegar mazahibon ke nizaamon me ye hota hai ke muashre ke chand afraad to aish o aaraam se zindagi basar karte hain, aur unhi ke qareeb me rahne waale dusre log ghurbat(ghareebi) ki chakki me piste rahte hain, aur ye bahut bada zulm hai,

chunanche muashre me ameeri aur ghareebi ke farq ko paatne ke liye aur , aur is zulm ko khatm karne ke liye allah taala ne ZAKAAT ko farz kiya aur sadaqaat ki tarah targheeb dilaayi, taake muashre ke tamaam afraad maal wa daulat se mustafeed hote rahen..

3- zakaat ki adaayegi se maaldaar aur faqeer ke darmiyaan muhabbat paida hoti hai, aur yun muashrah bhugz wa nafrat aur khudgharzi jaisi bimarion se paak ho jaata hai, zakaat dene waale me sakhaawat, shafqat aur hamdardi aur zakaat lene waale me ahsaan'mandi , tawajeh, aur ankisaari jaisi sifaat paida ho jaati hai, goya izaam zakaat muashre me akhlaaqi ko parwaan chadhaata hai..

4- tareekh gawah hai ke khilafat e rasheeda ke daur me jab zakaat ko hukumati satah par jama aur phir use fuqara me taqseem kiya jaata tha to ek waqt aaya jab talaash karne ke bawajood bhi muashre me fuqara nahi milte they,

chunanche zakaat ko baitul maal me jama kar diya jaata tha, aur phir use musalmano ke mufaad aama me kharch kar diya jaata, isse saabit huwa ke islami nizaam zakaat se muashre me ghurbat khatm hoti hai, ba'shartah ise poore ikhlaas ke saath aur mukammal imaandari ke saath nafez kiya jaaye..

5- maaldaar log agar zakaat ada na karen to muashre me maujood fuqara ahsaas kamtari ka shikaar ho jaayen, aur unke dilon me maaldaron ke khilaaf nafrat aur shadeed adawat paida ho jaaye aur phir wah apni zarooriyaat ko poora karne k liye chori aur daaka zani jaise jurm karna shuru kar den, aur yun muashrah bad'amani aur la'qanooniyat (unlawful activities) ki bhayanak tasweer ban jayen,

goya islami nizaam zakaat un akhlaaqi jurm ka hal(solution) hai aur muashre ko aman wa sukoon ki jagah banaata hai,

6- maal allah taala ki nemat hai jiska shukriya ada karna zaruri hai, aur uski bahtar shakl yahi hai ke uski zakaat ada ki jaaye, aur ye baat maalum hai ke jab allah ki nematon par shukriyah ada kiya jaaye to allah ki inaayaat me izaafa ho jaata hai..

Allah taala ka irshad hai

" agar tum shukr ada karoge to main zaroor ba zaroor tumhe aur zyada dunga"

(surah ibraheem 7)

ZAKAAT NA DENE WAALE KA ANJAAM:

Jaisa ke pahle ghuzar chuka hai ke zakaat farz hai aur islam ke arkaan mese ek ruqn hai,

chunanche agar koi shakhs is farziyat se inkaar karta ho wah yaqinan KAAFIR aur WAAJIB UL QATAL hai,

yahi wajah hai ke hz abu bakr ra ke khalifa banne ke baad bad'zan logon ne zakaat dene se inkaar kar diya tha,

aapne unke khilaaf elaan-e- Jung karte hue farmaya tha :-" allah ki kasam jo log ek rassi(rope) bhi rasoollullah sallalaho alaihi wasallam(pbuh) ko diya karte they, agar mujhe nahi denge toh main unse jung karunga"

(bukhari)

aur jo shakhs zakaat ki farziyat ka qayel ho toh ho lekin use ada na karta ho toh uska anjaam kiya hoga uske mutaallik allah ka irshaad maujood hai.... Ghaur se padhlen

" aur jo log sona chandi ka khazaana rakhte hain, aur allah ki raah me kharch nahi karte, unhe dardnaak azaab ki khabar pahuncha dijiye, jis din us khajaane ko aatish dozakh(hell fire) me tapaaya jaayega, Phir usse inki peshaaniyan aur pahluon aur peeth daaghi jaayegi, (aur unse kaha jaayega) ye hai jise tumne apne liye khazaana bana rakha tha, pas apne khazaano ka maza chakkho"

(surah tauba 35)

aur rasoollullah sallalaho alaihi wasallam(pbuh) ka farmaan hai:-" allah ne jisko maal se nawaaza aur phir usne zakaat ada nahi ki, qiyamat ke Din uska maal saanp(snake) ki shakal me aayega, jiski aankhon ke uper siyaah(black) nuqte honge, ye saanp uske gale(neck) ka tauq hoga aur uske jabde ko pakad lega aur kahega, main hoon tera maal, main hoon tera khazaana"

(sahih bukhari)

JIN CHEEZON PAR ZAKAAT FARZ HAI:

Islam me jin cheezon par zakaat farz hai unka khulaasa neeche ho raha hai,

1- SONA, CHANDI AUR NAGADI (GOLD, SILVER, CASH)

Sone chandi me zakaat farz hai, ba'sharte ke inki miqdaar muqarrar nisaab ke baraar ya usse zyada hon, aur uski milkiyat par ek saal guzar chuka ho,

yaad rahe sone ka nisaab 85 gms, jabke chandi ka nisaab 595 gms. hai,

agar sona 85 gms se aur chandi 595 gms se kam ho toh zakaat farz nahi hogi,

aur agar ye donon apne muqarrar wazan(weight) ke baraabar ya usse zyadah to hon lekin un par saal na guzra ho toh bhi zakaat farz nahi hogi,

mazkoorah dono sharten agar maujood hon toh sone chandi ki zakaat Nikaalne ka tareeqa ye hai ke

" sabse pahle unka wazan dekh liya jaaye, phir market ke maujoodah rate(price) ke mutabik us wazan ki qeemat malum kar len, phir uska 2.5% ya 40wa hissa zakaat ki nisbat se ada karen"

MASLA-1

Kisi shakhs ke paas saal ke shuru me sone/chandi ka poora nisaab maujood tha, lekin saal poora hone se pahle pahle wah usme se kuch miqdaar ko bech(sale) kar kharch kar leta hai, aur yun unka wazan nisaab se kam ho jaata hai toh uspar zakaat farz nahi hogi,

aur agar in saal me sona chandi khareedne ki wajah se unka wazan nisaab se zyaadah ho jaata hai to zakaat ki adaayegi ke waqt baad me khareede gaye sona/chandi ka wazan bhi shamil karna hoga....

MASLA-2

Sona/chandi chaahe dhele(biscuits, coins) ki shakl me ho ya zeweraat(jewellary) ki shakal me, donon soorat me zakaat farz hogi,

hadith me aata hai ke ek aurat,

rasoollullah sallalaho alaihi wasallam(pbuh) ke paas aayi, Uski beti ke haath me do kangan they, aap rasoollullah sallalaho alaihi wasallam(pbuh) ne poocha:- kiya tumne unki zakaat deti ho ? Usne kaha nahi, to aap rasoollullah sallalaho alaihi wasallam(pbuh) ne farmaya:-" kya tumhe ye baat pasand hai ke qayamat ke din allah taala tumhen un dono(kangan) ke badle aag ke kangan pahnaaye? Toh usne kangan unhi zameen par phenk diya aur kaha-" ye dono allah aur uske rasool ke liye hain "

(abu dawood, nisaai, ba sanad sahih)

MASLA-3

paper currency chaahe, riyaal ho ya dinaar, ruppee ho ya dollar....... Wah bhi sone chandi ke huqm me aati hai,

lihaaza jis shakhs ke paas sone/chandi ke nisaab ke qeemat ke baraabar ya usse zyada currency maujood ho aur us par saal ghuzar chuka ho to usme ZAKAAT farz hogi..

Aur uski adaayegi ka tareeqa ye hoga ke:-" saal ke aakhir me jab zakaat ada karni ho to us waqt dekh liya jaaye ke 85gm sone ki qeemat kitni hai, phir jitni Currency saal bhar rahe ho wah bhi dekh li jaaye, agar wah 85gm sone ki keemat ke baraabar ya usse zyadah ho to uska 2.5% ya 40wa hissa ba'taur zakaat ada karen....

MASLA-4

Ek shakhs ke paas saal ke shuru me to paper currency , sone/chandi, ke nisaab ke baraabar thi, lekin dauraan saal me usme aur izaafa(increment) hota raha toh saal ke aakhir me jitni currency maujood ho sab ki sab shamil karke " TOTAL" ka 2.5% ba'taur zakaat ada karen,

jo raqam dauran e saal aayi thi unki zakaat peshgi ada ho jaayegi...

MASLA-5

Tankhwaah daar insaan (salaried person) apni mahaana bachat (monthly saving) ki zakaat kis tarah ada karega ??

Iski do sooratein hain, ek to yeh ke har maah itni bachat hoti hai ke wah sone/chandi ke nisaab ki qeemat ke baraabar hai toh us soorat me har maah ki bachi hui tankhwaah par jaise jaise saal poora hota jaaye uski zakaat nikaalta jaaye,

aur agar pahle maah ki zakaat ada karte Waqt baqi 11 maah ki zakaat bhi peshgi(advance) ada karna chaahe toh bhi durust hoga,

aur dusri soorat ye hai ke har maah ki bachat nisaab ke baraabar nahi, albatta do teen maah ki bachat ko mila liya jaaye to wah nisaab zakaat ke baraabar ho jaati hai, to is soorat me saal ke akhtimam par uske paas jitni bachat maujood ho uska 2.5% ba'taur zakaat ada kare

MASLA-6

Heeron (diamonds) aur jewellery par zakaat farz nahi hai, elawa ke unse tijaarat(business) kiya ja raha ho, to is soorat me deegar tijaarati saamaan ke saath unki zakaat bhi ada karni hogi...

MASLA-7

Qarz ki zakaat

iski do sooratein hain,

ek toh yah ke maqrooz qarzedaar hain aur use jald ya bareed waapas karne ki taaqat bhi rakhta hai,

ya karzedaar toh qarze se inkaari ho lekin adaalat me case karke usse karza waapas lene ka yaqeen ho,

is soorat me qarz ki raqam ki zakaat ada karni hogi,

aur uska tareeqa ye hai ke:-" saal ke Akhtimam par jab maujooda maal ka hisaab kiya ja raha ho toh uske saath qarz ki raqam ko bhi shaamil kar liye jaaye, aur total ka 2.5% ba'taur zakaat ada kar diya jaaye,

aur dusri soorat ye hai ke:-" maqrooz(karzdaar) karz dene se inkaari ho aur adaalat me case zariye se bhi na milne ka imkaan bhi na ho,

ya wah qarze ko tasleem toh karta ho lekin har aaye din waapsi ka waada karke waada khilaafi karta ho, ya uske haalaat hi aise hon ke wah qarza wapas karne ki taaqat hi nahi rakhta ho toh aisi soorat me qarz ki raqam par zakaat farz nahi hogi,

haan agar karzdaar karza wapas kar de toh guzashta ek saal ki zakaat ada kar di jaaye...

MASLA-8

Ek shakhs ke paas zakaat ka nisaab toh maujood hai, chaahe sona, chandi, ki shakl me ya kisi aur shakl me, lekin wah khud dusron ka karzdaar hai, aur agar zakaat ada karta hai toh mazeed bojh tale dab jaane ka andesha hai, toh aisi soorat me us par zakaat farz Nahi hogi, haan agar qarz ki adaayegi ke baad bhi uske paas zakaat ke nisaab ke baraabar maal maujood hai aur uspar saal ghuzar chuka hai to uska 2.5% zakaat ki niyat se ada karna zaroori hai...

MASLA-9

Company ki hisson (shares) agar tijaarati maqsad se khareede gaye hain aur unpar saal guzar chuka hai toh un ki zakaat ada karna laazmi hoga,

agar khud company tamaam partners ke hisson ki zakaat ada karti hai toh theek hai, warna har partner apne apne hisson ki zakaat ada karne ka paband hai...

MASLA-10

Zakaat pure sone/chandi par farz hoti hai, lihaaza milaawat ko wazan karne me shumaar nahi kiya jaayega,

is tarah agar milaawat ka wazan nikaal kar khaalis sone, chandi ka wazan muqarrar nisaab se kam hojata hai toh us par zakaat farz nahi hogi...

2- TIJAARATI SAMAAN (BUSINESS ASSTS)

Dusri cheez jis par zakaat farz hoti hai " tijaarati saamaan" aur usse muraad wah tamaam cheez hain jinhe Tijaarat ki niyyat se khareeda jaaye, chaahe makaami market se ya baaher se bar'amad kar ke, isi tarah wah tamaam cheezen is huqm se nikal jaati hain jinhen kisi ne apne zaati(personal) istemal ke liye khareeda ho, maslan ghar, gaadi(vehicle), aur zameen wagerah

toh aise ashyaar par zakaat nahi, aur isi tarah sana'ati machinery, stores aur unme padi almirah, dafatar par bhi zakaat farz nahi ,

kyonki aisi tamaam cheezen ek jagah par baqaraar rahti hain aur unhe bech kar tijarat karna maqsood nahi hota...

BUSINESS ASSTS PAR ZAKAAT NIKAALNE KA TAREEQA:

Saal ke aakhir me taajir (firm ho ya company) ko chahiye ke wah apne tamaam tijaarat saamaan ki market ke maujooda rate ke mutabik qeemat lagaaye, phir uske paas saal bhar jo nagadi(cash) currency rahi ho use isme shaamil kar len, isi tarah uska jo qarza waapsi ho use bhi hisaab me shaamil kiya jaaye, aur agar wah khud qarzedaar ho toh qarze ki Raqam nikaal kar baaqi tamaam raqam ka 2.5% ya 40wa hissa ba'taur zakaat ada kare....

MASLA-

sana'ati aalaat aur machinery ki asal qeemat par zakaat nahi, albatta unki aamdani agar zakaat ke nisaab ko pahunch jaaye aur us par saal bhar guzar jaaye to usse zakaat nikaalna zaroori hoga, aur yahi huqm kiraaye (rent) par diye gaye makaan(house), dukaan(shops) aur gaadion(vehicles) wagerah ka hai ke unki asal qeemat par zakaat nahi, kiraaye par hogi...

Ba'sharte ke ye nisaab ko pahunch jaaye aur us par saal bhar guzar jaaye to uska 2.5% ada karna hoga, albatta in ashyaar par ada kiya kiye jaane waala TAX aur unki dekh bhaal par aane waale deegar akhraajaat in cheezon ki aamdani se nikaal liye jaayen, aur is tarah agar malik ka ko zariya ma'aash nahi toh wah apne biwi ,bacchon ke jaayez akhraajaat bhi aamdani se nikaal le, phir jo raqam baaqi ho usse zakaat ada kare....

HAIWAANAAT (LIVESTOCK)

Jin Maweshion(pet animals) par zakaat farz hai wah ye hain,

oont(camel), gaaye(cow), bhains(buffalo), aur bhedh(sheep), bakri (goats)

rasoollullah sallalaho alaihi wasallam(pbuh) ka farmaan hai:-" jis shakhs ke paas, oont ya gaaye, ya bakriyan hain aur usne inki zakaat ada nahi ki to qayamat ke din unhe bahut bada aur mota karke laaya jaayega, phir wah use apne taapon se raundenge aur apne seengon se maarenge, jab sab uske upar se guzar jayenge toh pahle ko phir lautaaya jaayega, aur logon ka faisla hone tak uske saath aisa hi hota rahega"

(bukhari)

maweshion me zakaat ki farziyat ke liye 4 sharten hain:

ek ye ke wah apne muqarrar nisaab ko pahunch jaayen, yaad rahe ke oont ka kam se kam nisaab 5, gaaye/bhains ka 3, aur bhedh bakriyon ka 40 hai...

Dusri shart ye hai ke unki milkiyat par saal guzar jaaye

teesra ye ke saal ka aksar hissa ye maweshi charti rahe hon aur malik ko saal bhar ka beshtar Hissa unki khuraak khareedna na padi ho,

aur chauthi shart ye hai ke ye jaanwar kheti baadi ya bojh uthaane ke liye na hon, aur yahan ye baat mad'denazar rahni chahiye ke maweshion ko agar tijaarat ki niyat se khareeda gaya ho toh unki zakaat dusre saamaan e tijaarat ki tarah nikaali jaayegi,

chunanche unki qeemat ka aitbaar hoga na ki tadaad ka,

maweshion ke nisaab ki deegar tafseel hadith aur fiqh ki kitabon me dekhi ja sakti hain.....

ZAMEENI PAIDAWAAR (AGRICULTURAL):

Farmaan e ilaahi hai:

" aiy imaan walon ! Apni pakeezah kamaayi mese, aur ham ne tumhare liye zameen se jin cheezon ko nikaala hai, unme kharch karo"

(surah baqarah 267)

is aayat se saabit huwa ke zameeni paidawaar maslan gehun, jau, chaawal, khajoor, angoor, aur zaitoon wagerah par zakaat farz hai, aur is baat par poori ummat ka ijma hai...

ZAMEENI PAIDAWAAR KA NISAAB E ZAKAAT:

Farmaan e

rasoollullah sallalaho alaihi Wasallam(pbuh) hai:-" 5 wasq se kam me zakaat nahi"

(mutaffiq alaih)

5 wask ki miqdaar maujoodah hisaab ke aitbaar se 683 kgs hai, is tarah zameeni paidawaar agar mazkoorah wazan se kam ho to zakaat farz nahi hogi....

ZAMEENI PAIDAWAAR KA KITNA HISSA ZAKAAT ME DIYA JAAYE:

Farmaan e rasoollullah sallalaho alaihi wasallam(pbuh) hai:-" jis ko baarish(rain) aur chasmon(wells,lakes,river etc) ke paani se seeraab(irrigate) kiya ho ya wah khud ba khud zameeni paani se seeraab huwa ho, usme 10wa hissa hai, aur jisko aalaat(machinery, instrument) ke zariye ya mahnat se seeraab kiya gaya ho to usme 20wa hissa hai"

(bukhari)

is hadith se saabit huwa ke jo paidawaar baarishi paani ya naheri paani ya chasmo ke paani se haasil hui ho, uska 10wa hissa aur jise musibaton(difficulties) ke zariye seeraab karke haasil kiya gaya ho, uska 20wa hissa ba'taur zakaat ada karna chahiye...

MASLA-1

Zameeni paidawaar Par saal guzarna zaroori nahin, balke wah jaise hi haasil hogi, uski zakaat fauran ada karni hogi,

farman e ilaahi hai:

" uska haq uski kataayi ke din ada karo"

(surah anaam 141)

MASLA-2

Taaza istemaal hone waale phoolon(flowers) aur sabzion par zakaat nahi hai, albatta unki tijaarat ki jaaye,

tijaarat ki soorat me unki qeemat agar nisaab e zakaat pahunch jaaye aur wah saal bhar uske paas rahe to uska 2.5% ada karna hoga...

ZAKAAT KE HAQDAAR:

Yani kaun zakaat lene ke mustahiq hain?

Allah ka farmaan hai

" sadqe sirf faqeeron, miskeeno aur unke wasool karne waalon ke liye hain, aur unke liye jinki taaleef e qalb maqsood hon, aur ghulamon ko azaad karaane me aur qarz daaron ke liye aur allah ki raah me aur musaafir k liye, ye farz hai allah ki taraf se"

(surah tauba 60)

is ayat se malum hota hai ke zakaat ke mustahik yahi 8 hain, inko chhod kar kisi aur par zakaat kharch nahi ki ja sakti..

Albatta ye zaroori nahi ke zakaat ki raqam in 8 par kharch ki jaaye balke inme se jo zyadah munasib aur zyadah zarurat mand hon us par ise kharch kar diya jaaye

1- FUQARA AUR MASAKEEN:

Se muraad wah log hain jo zarurat mand hon aur jin ke paas itna maal na ho ke jisse wah apne biwi bacchon ke akhraajaat poore kar saken, unhen zakaat ki raqam se itna paisa diya jaaye ke jo ziyadah se ziyadah ek saal tak unki zaroorat ke liye kaafi ho

2-AAMEELEEN ALAIHA:

isse muraad zakaat ikattha karne waale aur use mustahaqeen me taqseem karne waale log hain, unhe zakaat ki raqam se unke kaam ke badle tankhwah diya ja sakta hai, khwaah wah maaldaar kyon na hon,

3- WAL MUWALAFA QULOO BUHUM:

Isse muraad kamzor imaan waale naye muslim log hain, ya aise log jinke musalmaan hone ki ummeed ho, ya aise kuffar jinko maal dene se toqa ho ke wah aise qabeele ya ilaaqe ke logon ko musalmano par hamlawar hone se rokenge..

5- WAFIR'RIQAAB:

Isse muraad ye hai ke ghulaamon ko uske aaqaaon se chhuda kar azaad kar dena

6-MAQROOZ:

Jo karz dene ki taqat na rakhta ho, use zakaat ki raqam di ja sakti hai, ba'sharte usne qarzah jaayez maqsad ke liye liya ho,

isi tarah aise log jinka kaarobaar shadeed khasaare ka shikaar ho gaya ho, toh unhe bhi zakaat di ja sakti hai...

7- FI'SABEELILLAH:

Se muraad jihaad aur deegar tamaam deeni maqasad hain jo allah ki raza ke hote hain, maslan madaris ki taameer, unme zer taaleem talbah(students) aur hospital wagerah me zakaat ki raqat kharch ki ja sakti hain,

8- Wah musaafir jiska safar jayez maqsad ke liye huwa ho aur uska zaad e raah dauraan safar khtam ho jaaye aur wah safari zaruriyaat ko poora karne ke liye paise ka mohtaaj ho, use bhi zakaat di ja sakti hai....

Mazkoorah mustahaqqeen zakaat agar apne qareebi rishtedaaron me mil jaaye to unhe zakaat dene se dugna(double) Ajar(benefit) milega...

Apne biwi, bacchon aur waalidain ko zakaat nahi di ja sakti,

haan ! Bahen, bhai, agar zarurat mand hon to unhe zakaat dene se dugna(double) ajar milega, isi tarah daulat mand aur kamaane waale aur faasiq wa faajir ko zaakaat nahi di ja sakti....

Aur aal-e-rasoollullah sallalaho alaihi wasallam(pbuh) ko bhi zakaat nahi di ja sakti......

NOTE: AMAL KARNE SE PAHLE KISI AALIM SE MASHWARA KAR LEN...... Jazakallahu khairan kaseera..

ISLAMIC RESEARCH ORGANISATION.